ناوه‌ندی  داهێنانی فیلمی كوردی\ئنگلاند

ناوه‌ندی داهینانی فیلمی كوردی درێژه‌پێدراوی (كۆمپانیای شانۆی جیهان)ه كه له فێبریوه‌ری 2003 دامه‌زرا له سه‌ر ده‌ستی ده‌رهێنه‌ر ئالان ئه‌مین، له پێناو به‌ره‌و پێش بردنی هونه‌ری كوردی و هه‌مه‌ ئاهه‌نگی له نێوان هونه‌ری كوردی و هونه‌ری ئه‌وروپیدا.

له پێناو نزیکكرده‌وه‌ی تواناكاندا كۆمپانیای شانۆی جیهان هه‌وڵی به‌هێزی داوه‌و كاره‌كانی ڕابردووی له بواره جیا جیاكانی هونه‌ردا شایه‌تحالی ئه‌م راستیانه‌ن.

 

ئه‌رو به‌ر‌هه‌مانه‌ی كه كومپانیای شانۆی جیهان به‌رهه‌می هێناون ئه‌مانه‌ن:

 

·          له‌سه‌ر سنوور 2003

·         دێ‌یه‌ك له ئاسمان 2004    

·         په‌پوله‌ بێ باڵه‌كان 2004 

·         شوێنێكی تاریك 2005

·         ڕادیۆ 2005

·         زه‌ماوه‌ند 2005

·         ڕووباری شین 2006

·          له‌سه‌ر سنوور 2003

به‌رهه‌مێكی شانۆیی‌ جووڵه‌و سه‌ما ئامێز بوو له نووسین‌و دهرهێنانی ئالان ئه‌مین بوو له به‌ریتانیا له چه‌ند شارێك نومایش كرا، به‌كارێكی سه‌ركه‌وتوو له قه‌ڵه‌م درا له‌ لایه‌ن بینه‌رو میدیا‌كانه‌وه‌، هه‌روه‌ها له نواندنی: یاسه‌مین بوكاری، ئالان ئه‌مین، فاروق مه‌حمود، شاخه‌وان ئاوه‌كورتێی، هیوا ئیبراهیم، له‌یلا، لۆراین، بورهان موحه‌مه‌دی، زه‌ینه‌ب، عه‌بدوڵا و ئه‌یمه‌ن بوو.

ئه‌م سه‌ركه‌وتنه بووه هۆی به‌رده‌وامی كۆمپانیاو به‌هێزی په‌یوه‌ندی‌یه‌كانی له‌ گه‌ڵ ده‌زگاو ڕێكخراوه‌ هونه‌ری‌یه‌كاندا له به‌ریتانیا.

 

·         دێ‌یه‌ك له ئاسمان 2004    

 دووه‌م به‌رهه‌می كۆمپانیا بوو كه به‌رهه‌میكی شانۆیی سه‌ما ئامێز بوو كه باسی له مێژووی 4700 ساڵه‌ی گه‌لی كوردی ده‌كرد كه كۆمه‌ڵێ ئه‌فسانه‌و داستانی به‌شێوه‌یه‌كی سه‌رنج ڕاكێشانه پیكه‌وه گرێدا بوو كه كه‌شێكی ئه‌فسووناوی درووست كرد بوو، سه‌ركه‌وتنێكی گه‌وره‌ بوو، ئه‌م سه‌ركه‌وتنه‌ش ده‌نگدانه‌وه‌یه‌كی فراوانتر بوو بۆ كۆمپانیا و په‌یوهندی‌و پیكه‌وه كاركردنی له كۆمه‌ڵگای هونه‌ریدا به‌هێزتر كرد.

شانۆیی دێ‌یه‌ك له ئاسمان له نووسین و نه‌خشه‌كێشان و ده‌رهینانی ئالان ئه‌مین بوو. نواندنی: جای، ئالان ئه‌مین، شاخه‌وان ئاوه‌كورتێی، هیوا ئیبراهیم، جۆزیف موون، جوول، ئاشا و بورهان موحه‌مه‌دی.

 

ئه‌م كاره‌ وه‌رچه‌رخانێكی گه‌وره‌‌ی درووست كرد له مێژووی خه‌باتی ئالان ئه‌مین و كۆمپانیادا كه، بزووتنه‌وه‌ی كاره‌كانی كۆمپانیای به‌ره‌و فیلم‌سازی برد.

كۆمپانیا به‌شێوه‌یه‌كی وورد كه‌وته هه‌ڵسه‌نگاندن‌ و دراسه كردن‌ له بواری پیشه‌سازی فیلمدا، بۆ ئه‌م مه‌به‌سته‌ش دوو فیلم به‌رهه‌مهێنرا:

 

·         په‌پوله‌ بێ باڵه‌كان 2004 

كورته‌ فیلمێكه به كامێرای دیڤی كام وێنه كێشراوه ماوه‌ی فیلمه‌كه 16 خووله‌كه، كه باس له ژیانی مناڵانی كورد ده‌كات له دێهاته‌كاندا له سه‌رده‌مانێكی كۆندا، فیلمه‌كه له نوسین و ده‌رهێنانی ئالان ئه‌مین ه وێنه‌كێشانی ئاسۆ حوسێن ه و نواندنی محه‌مه‌د گه‌رمیانی و زانا حه‌مه‌ ئه‌مینه.

په‌پوله بێ باڵه‌كان له فیستیڤاڵی ئێكسپۆژه‌ری به‌ریتانیدا به‌شداری كردووه‌و پله‌ی رێزلێنانی تایبه‌تی به‌ده‌ست هێناوه‌و هه‌روه‌ها به‌شداری یه‌كه‌م فیستیڤالی كوورته‌ فیلمی كوردی كردووه له به‌ریتانیا.

هه‌روه‌ها وه‌كو بابه‌تێكی په‌روه‌رده‌یی 3خووله‌كی له گه‌ڵ ۆركشۆپێكی شانۆییدا له 6 فێرگه‌ی سه‌ره‌تاییدا نومایش كرا به به‌رێوه‌بردنی ئالان ئه‌مین.

 

·         شوێنێكی تاریك 2005

كوورته‌ فیلمێكه به كامێرای دیڤی كام وێنه كێشراوه ماوه‌ی فیلمه‌كه 10خووله‌كه، كه باس له چه‌وسانه‌وه‌ی گه‌لی كورد ده‌كات به‌ده‌ست دڕندایه‌تی ده‌سه‌ڵاتدارانی پیاوانی سه‌دام و به‌عسه‌وه، فیلمه‌كه له نوسین و ده‌رهێنانی ئالان ئه‌مین ه به كامێرای ئاسۆ حوسێن وێنه كێشراوه. شوێنێكی تاریك بۆ ماوه‌ چوار ڕۆژ له سینه‌ما بۆ بینه‌ر نمایش كرا له شاری مانچسته‌ر.

 

 كوورته فیلمێكه كه به كامێرای دیڤی كام وێنه كێشراوهو ماوه‌ی فیلمه‌كه 18 خووله‌كه. كه باس له ژیانی لاوێكی كورد ده‌كات كه له به‌ریتانیا ده‌ژی كه چۆن بێ ئاگایانه ده كه‌وێته داوی گرووپێكی تیرۆریستی‌یه‌وه‌و، باوكی به بارمته ده‌گرن تاوه‌كو كارێكی تیرۆری پێ ئه‌نجام بده‌ن.

له كۆتاییدا ئه‌م لاوه ژیانی به‌خت ده‌كات له پێناو ژیانی خه‌ڵكانێكی بێ تاواندا.

ڕادیۆ له به‌رهه‌مهینان و نوسین و ده‌رهێنانی: ئالان ئه‌مین ه، و نواندنی شاخه‌وان ئاوهكوورتێی، هیوا شێخ سه‌عید، لوقمان كه‌ریم، خانزاد خان،حوسمان، نه‌شوان، داریا ئه‌مین، دیاكۆ ئه‌مین، ئارا جاف، سیزان لوقمان، جوولیا بوو.

فیلمی ڕادیۆ هه‌تاوه‌كو ئێستا به‌شداری پێنج فیستیڤاڵی نێو ده‌وڵه‌تی كردووه‌و چاوهڕوانده‌كرێ كه به‌شداری چه‌ند فیستیڤاڵێكی تریش بكات.

 

فیستیڤاڵی كوورته فیلمی كوردی‌‌ له مانچسته‌ر به‌ریتانیا

ناوه‌ندی داهێنانی فیلمی كوردی بو یه‌كه‌م جار یه‌كه‌مین فیستیڤاڵی كوورته‌ فیلمی كردی ساز كرد له سێپته‌مبه‌ری 2005 له شاری مانچسته‌ر له ووڵاتی به‌ریتانیا .

له پیناو به‌ره‌و پێشبردنی فیلمی كوردی و لێكتر نزیكردنه‌وه‌ی تواناكان، ئێمه بۆ درووست كردنی پرێكی شارستانی و سوود وه‌رگرتن له پیشه‌سازی نوێی درووستكردنی فیلم، ده‌مانه‌وێ فیستیڤالی زه‌ماوه‌ند وه‌كو نه‌ریتێكی ساڵانه دووباری بكه‌ینه‌وه‌و به‌ڵكو پلانی باشتری بۆ دابرێژرین.

 

زماوه‌ندی 2006
دووه‌م فیستیڤاڵی كوورته فیلمی كوردی‌یه، سێ ڕۆژ ده‌خایه‌نێ و 50 كوورته فیلمی تیادا پێشكه‌ش ده‌كرێت كه 40 كووته فیلمیان كووردی ده‌بێت و 10 كورته فیلمیان ئینگلیزی ده‌بێت، ئه‌مه‌ش بۆ درووستكردنی به‌راووردیی‌یه‌ك له نێوان فیلم سازی ئه‌م دوو شارستانی‌یه‌تی‌یه‌دا، له چوارچێوه‌ی ئه‌م فیستیڤاڵه‌دا كۆمه‌ڵێ چالاكی تریش ساز د‌ه‌كریت وه‌كو سێ سیمینارو كۆنفرانس بۆ فیلم سازانی كورد و ئینگلیز، له گه‌ڵ دوو ڕۆژ ۆركشۆپ ده‌رباره‌ی فیلم سازی، هه‌ڵپه‌ڕكێو سه‌مای كوردی و خواردن و خواردنه‌وه‌ی تیادا دیته‌ پێشكه‌شكردن.

هه‌روه‌ها له فیستیڤاڵی 2006 دا 10 كوورته فیلم پێشكه‌ش ده‌كرێ له ئاماده و نووسین و ده‌رهێنان و كرووی ئه‌ندامانی ناوه‌نده‌كه‌مان.

هه‌روه‌ها له فیستیڤاڵه‌كه‌دا 10 باشترین كوورته فیلم هه‌ڵده‌بژێردرێ، كه ئه‌م 10 باشترین كوورته فیلمه به سه‌رجه‌م شاره‌كانی به‌ریتانیاو به ووڵاتانی تری دنیادا ده‌گیڕدێت.

 

Zamawand 2006 Poster 

Zmawand Kurdish Short Film Festival /Kurdish Poster

•  ڕووباری شین 2006

 

به‌رنامه‌یه‌كی په‌‌روه‌رده‌یی پلان بۆ داڕێژراوه یه‌ك ساڵ ده‌خایه‌نێت له بواری فیلم سازیدا، كه 10 فیلم ساز پێده‌گه‌یه‌نێ له‌م بواره‌دا،

به‌شداربوو راده‌هێنرێت له سه‌رجه‌م بوواره‌كانی درووستكردنی فیلم به‌ سه‌رپه‌رشتی ئالان ئه‌مین وه‌ك: كامێرا، ڕووناكی، ده‌نگ، سینه‌ماتۆگرافی، ده‌رهێنان، ئدیتینگ(مۆنتاژ) برین و پیكه‌وه لكاندن. له هه‌ردوو بواری دیجیتاڵ و سووپه‌ر 16ملیمه‌تر.

له‌م خووله‌دا به‌شدار بووان 10 فیلم به‌رهه‌م دێنن.

‌به‌شداربووان و ئه‌ندامانی ناوه‌ندی داهێنانی فیلمی كوردی:

•  شاخه‌وان ڕانێی
• هیوا شێخ سه‌عید
• شاخه‌وان ئاوه‌كوورتێی
• هاڤال كه‌ركوكی
• هیوا ئیبراهیم
• هێڤی شه‌مزینی
• لوقمان كه‌ریم
• ئاری ئه‌حمه‌د